انا جوزي بيتفرج على أفلام 🤐
= نعم!! ، حضرتك جاية ترفعي قضية خلع على جوزك عشان بيتفرج على أفلام
ماهي مش أفلام عادية ، دي أفلام...🥺
=بس بس فهمتك
" الخطوة دي انا مكنتش ناوية عليها غير بعد ما شوفت كتير اوي ، كنت بعيش أسوء ايام حياتي ومحدش حاسس بيا ، وكل دا بسبب جوزي..
المدمن بيكون أنواع ، في مدمن مخدرات مدمن ستات ومدمن خمور ولكن مدمن أفلام دي جديدة وخصوصا انها مش اي أفلام
دي أفلام اباحية ، بعيدا عن أنها حرام اساسا لكن المصيبة انه متجوز ، يعني معندوش سبب انه يعمل كدا ، كل حاجة كانت بتنبهني اني موافقش على الجوازة دي بس وافقت بسبب ضغط اهلي عليا وهي دي النتيجة
انا جوزي ميعرفش اي حاجة عن الجواز غير...🥺
انا مش قادرة اكمل ، مش قادرة اعيش معاه ولا حتى قادرة انام جنبه على السرير
مبطيقش ريحته لما بيلمسني ، بقيت قرفانة منه ومن نفسي ، بقيت ادخل ااخد دش أكتر من مرة في اليوم عشان اشيل ريحته من جسمي ، اصل هقبله ازاي ، هقبل ازاي شخص بيتعامل معايا بكل عنف واحنا مع بعض ، الموضوع محرج ، حتى مكسوفة اتكلم مع اهلي ، مبقتش عارفة اعمل ايه ، كنت بكتب كل الكلام دا في النوتة الصغيرة بتاعتي ، هي دي اللي بطلع فيها كل اللي جوايا من غير ما اكون مكسوفة
نادية ، يا نادية يا وليه انتي
" وهي دي أسوء لحظة في حياتي ، لحظة ما بيرجع من برا ، قفلت النوتة وخبيتها و روحت عشان اشوفه عايز ايه...
نعم
= ايه كنتي فين
موجودة جوا يعني هروح فين يا وائل
= طب كويس ، بقولك هو النهاردة ايه
الخميس
= و دا مش بيفكرك بحاجة
ـــــــــــــــــــــــــــــــــــــــــــــــــــــــــــــــ
لا ، عيد ميلاد مين
= لا دا مش عيد ميلاد ، بس احنا ممكن نخليه عيد
انا مش فاهمة حاجة
= روحي أنتي بس جهزي نفسك والبسي حاجة حلوة كدا وحطي شوية مكياج خلي الواحد نفسه تتفتح
مليش نفس
= انا ليا يا دودو
وانا بقولك مش عايزة
= اسمعي بس ، انا جايب معايا اكل ، روحي جهزي نفسك وتعالي ناكل ونقضي احلى ليلة خميس مع بعض
هو انت مفيش في دماغك غير الكلام دا
= حقي ، حقي ولا مش حقي
لا مش حقك ، هو انا مش بني آدمة ، انا كمان من حقي ارفض لما أكون مش عايزة أو مليش مزاج
" اتنفض وقام من على الكرسي
جربي تقوليها يا نادية ، وحياه ربنا تلاقيني متجوز عليكي تاني يوم وقتي
ــــــــــــــــــــــــــــــــــــ
= اعملها ، اعملها و ارحمني ، خليها تيجي تشوف القرف اللي انا عايشة فيه هاهاها
عايشة في ايه يا نادية ، وأنا قصرت معاكي في ايه ، هو البيت محتاج حاجة وانا مجبتهاش؟ انتي طلبتي مني حاجة قبل كدا وقولتلك لا عايزة ايه تاني ، زي ما أنتي بتاخدي حقوقك اديني انا كمان حقوقي
= وهي حقوقك دي ايه ، انت متعرفش حاجة عن حقوقك غير حاجة واحدة بس وهي....🥺
يا نادية انا بحبك
= انت مبتحبنيش يا وائل ، انت عايز اي واحدة وخلاص
بس في الاخر انا متجوز مين
= لو الجواز كدا ف انا مش عايزة ، انت متعرفش ان اللي انت بتعمله دا حرام
حرام ، هو فين الحرام دا ، انتي مراتي حلالي
= بس مش بالعنف ، لما تيجي تطلب مني حاجة زي كدا لازم تبقا باللين مش بالعنف زي ما حضرتك بتعمل معايا وكأن دي متعتك
والله بقا انا براحتي ، انتي ملكيش اي حاجة غير انك تقولي حاضر وبس
= حاضر دي اخر حاجة هتسمعها مني يا وائل انا خلاص زهقت ومش هكمل معاك في القرف دا ارحمني وكل واحد يروح لحاله
" قرب مني و رجع تاني يتكلم بهدوء
طب بقولك ايه ، ما تأجلي الخناقة دي ل بكرا ، النهاردة الخميس ومش عايز اضيعه
" بصتله ب قرف ومشيت دخلت الأوضة بسرعة وقفلت عليا وطلع يجرى ورايا وقعد يقولي من عالباب 🥺🥺
… يتبع
